Уписите за факултет за учебната година 2016/2017 ќе бидат за помалку од два месеци. Универзитетите ги објавуваат конкурсите за уписи, а матурантите се подготвуваат за студирање.

Според анкетата за идни студенти која ја направивме неодамна, голем дел од матурантите планираат да студираат медицина или информатички технологии. Медицинскиот факултет и ФИНКИ се најпопуларен избор за матурантите според анкетата која ја направивме неодамна.

Најпопуларните 10 факултети за упис на матурантите се:

1. Медицински факултет (13,%)
2. ФИНКИ (13%)

3. Правен факултет (11%)
4. Филозофски факултет (9%)
5. Економски факултет (7%)
6. ФЕИТ (7%)
7. Филолошки факултет (6%)
8. ПМФ (5%)
9. Архитектонски факултет (5%)
10. Машински факултет (5%) 

Каде се бараат најмногу студенти?

Кога станува збор за местата за нови студенти на УКИМ, достапни се 10.535 места во 2016/2017. Најмногу место има на ПМФ, Машински факултет, Економски и ФИНКИ.

Ова се десетте факултети на кои има најмногу места за нови студенти годинава:

1. Природно-математички (11%)
2. ФИНКИ (9%)
3. Економски (8%)
4. Машински (8%)
5. Факултет за земјоделски науки и храна (8%)
6. Филолошки (8%)
7. Медицински факултет (7%)
8. Филозофски (7%)
9. ФЕИТ (6%)
10. Технолошко-металуршки факултет (4%).

Зошто сакаат да студираат?

57% од идните студенти ќе студираат за да се здобијат со повеќе знаење во областа што ги интересира. Сепак, дури 43% ќе студираат затоа што со диплома е полесно да се најде работа.

Голем е и процентот на студенти кои ќе студираат затоа што дипломата ќе им понуди повеќе можности во странство - 27%.

12% ќе студираат бидејќи семејството тоа го очекува од нив, 6% затоа што не сакаат да се вработат веднаш, а 11% не знаат што би правеле после средното образование.