Факултети.мк во серија на интервјуа ќе ви ги претстави сите добитници на Инженерскиот прстен за 2016-та година.
1.Како студент на Електротехничкиот факултет, Вие сте добитник на Инженерскиот прстен,
најпрестижната инженерска награда во Македонија? Што претставуваа оваа награда за Вас?
- Да се биде дел од најдобрите и најуспешните студенти претставува голема чест и задоволство.
Наградата ,,Инженерски прстен’’ е едно големо признание за сиот мој вложен труд и постигнат
успех во текот на студирањето, а воедно претставува и поттик да продолжам да се надградувам на
професионален план, да вложувам во себе и да се стремам кон поголеми успеси.
2. Како ќе ја искористите наградата во вашиот професионален живот?
- Кога гледаш дека трудот и работата се препознаени и наградени, желбата за понатамошно
професионално усовршување е уште поголема. Самата награда ми е голема мотивација да
продолжам да го надградувам моето знаење, со цел практично да го применам во развојот и
примената на технологиите.
3. На кој начин ќе придонесете во развојот на македонското инженерство? Имате ли визија и
зацртани цели што сакате да постигнете?
- Инженерските науки и технологијата бележат забрзан раст. Само со постојано надградување на
знаењето и следење на светските трендови може да придонесеме и ние да бидеме дел од тој
интензивен техничко-технолошки развој. Континуираното учење, следење на новостите од
областа на технологијата, како и креативното работење се дел од целите кои сакам да ги
постигнам за да се изградам во квалитетен инженер кој ќе биде дел од техничко-технолошкиот
развој на општеството.
4. Дали како добитници на Инженерскиот прстен веќе соработувате со другите колеги? Или
размислувате ли за соработка во рамки на Клубот на добитници ?
- Самата поврзаноста меѓу инженерските дисциплини бара соработка со другите колеги.
Размената на знаења, идеи и искуства позитивно ќе влијае на нашиот професионален развој, затоа
се надевам дека во иднина ќе оствариме добра соработка.
5. Колку предлозите на Инженерската институција на Македонија за ваше стипендирање и идно
вработување ќе Ви го олеснат патот во научните води?
- Секоја поддршка за понатамошно усовршување е добредојдена. Предлозите за стипендирање и
идно вработување секако дека ќе го олеснат патот кон станувањето квалитетни инженери кои ќе
знаат да го применат стекнатото знаење и ќе изградат успешни кариери.