Сепак, најнови истражувања покажуваат дека дури и најмал степен на дехидрација влијае на нормалното функционирање на мозокот. Некои претходни студии покажале дека и губиток на вода од 2% од телесната тежина, има влијание на меморијата, вниманието (концентрацијата) и расположението. Ова обично се поврзувало со периоди на зголемена физичка активност, а не и на секојдневното хидрирање на телото и организмот.

Нашето тело во 2/3 се состои од вода. Таа е од суштинска важност за сите функции на организмот вклучително извор на кислород, исфрлање на отпадни материи и регулирање на телесната температура. Губитокот на вода има негативни ефекти дури и кога е во помали количини и кога не сме практикувале понапорна физичка активност.

Направено е истражување со здрави возрасни кои престојувале во средина со постојани 30 °C. За време на истражувањето на учесниците им се мерела телесната температура на интервали од 5 секунди. По тие четири часа бил направен тест за меморија: потребно било учесниците да запомнат листа со зборови откако ја слушнале. Студијата покажала дека оние што чувствувале жед, а притоа било измерено дека имаат 0,72% губиток на телесна маса, биле и помалку енергични и поанксиозни, а оние што консумирале вода за време на експериментот полесно го решиле тестот. Ова докажува дека и помало ниво на дехидрација има негативен ефект врз мозокот.

Други истражувања покажале дека кога деца пиеле вода за време на часови имале подобра меморија и минувале повеќе време на училишните задачи. Кај возрасните е особено препорачливо да се пие вода затоа што бубрезите стануваат помалку ефикасни со тек на време.

Создадете си навики редовно да пиете вода и не чекајте да почувствувате жед за да ја осигурате нормалната функција на мозокот.