Денес е вторник, 11 октомври 2016 година, 285-иот ден во годината. Сонцето изгреа во 06:36, а ќе зајде во 18:02 часот. Денот ќе трае 11 часа и 26 минути.

И ова утро во Македонија имаме облачно и врнежливо време. Во овие утрински часови поинтензивни врнежи од дожд има во западните и југозападните предели, а овие врнежи во наредните часови ќе се прошират насекаде во Македонија.

МАКЕДОНИЈА – Македонија и денеска ќе биде под влијание на Медитеранскиот циклон кој ќе услови нестабилно време со поинтензивни врнежи од дожд и засилен ветер. Врнежи од дожд ќе бидат поинтензивни во југозападните, југоисточните и североисточните предели, каде локално може да наврнат и до 30 литри дожд на метар квадратен. Ќе дува доумерен југозападен и југоисточен ветер. Утринските температури од 6 до 14 степени, додека пак максималните дневни ќе достигнат до 10 односно до 20 степени.

СКОПЈЕ – Во Скопје во вторник облачно со врнежи од дожд, ветровито и свежо време. Поинтензивни врнежи се очекуваат во попладневните часови. Ќе дува доумерен слаб југоисточен ветер. Утринската температура од 12 степени, а максималната дневна до 17 степени.

МАКЕДОНИЈА 5 ДЕНА – Во среда во утринските и раните претпладневни часови ќе биде умерено облачно и нестабилно со врнежи од дожд. Врнежите во подоцните претпладневни часови ќе престануваат, а попладне и со услови за намалување на облачноста. Максималните температури од 8 до 18 степени. Во четврток по студеното утро со утрински температури од -2 до 8 степени, во текот на денот претежно сончево со локална облачност и потопло време со температури од 11 до 21 степен. Во петок и сабота ќе продолжи стабилното и потопло време, претежно сончево со локална облачност и дневна температура од 13 до 23 степени во петок, односно од 15 до 25 степени во сабота.

Weather4all.com.mk