Во недела доаѓа до промена на времето. Повеќето од дигиталните часовници таа промена ја вршат самите, сепак некои часовници треба рачно да се наместат.

Таков пример е познатиот лондонски часовник Биг Бен, за чие поместување на стрелките на часовникот потребни се дури пет часа. Овој часовник е стар 154 години, а за негово правилно функционирање се грижат пет луѓе. Тие ќе бидат задолжени за поместување на стрелките и на сите 2.000 часовници кои се наоѓаат во британскиот парламент, а таа работа ќе ја извршуваат цела ноќ. Поместувањето на стрелките на Биг Бен е тешка задача и ќе започне во 21 часот во сабота, за да заврши во 2 часот по полноќ, кога сите часовници во парламентот вклучувајќи го и Биг Бен, мора да заѕвонат за да го означат преминот од летно во зимско сметање на времето.

Тимот ниту еднаш не задоцнил во извршувањето на задачата, но сепак притисокот е голем.