Денес е петок, 4 ноември 2016 година, 309-иот ден во годината. Сонцето
изгреа во 06:04, а ќе зајде во 16:28 часот. Денот ќе трае 10 часа и 24
минути.
Врнежите од дожд кои синоќа започнаа, продолжија во текот на ноќта
четврток кон петок, и денес во раните часови веќе престануваат. Во
најголем дел од Македонија имаме претежно облачно и понекаде магловито
утро.
МАКЕДОНИЈА – Во утринските часови постојат услови за појава на магла,
која понекаде ќе се задржи и во претпладневните часови. Во текот на
денот ќе биде умерено облачно време со повремени и кратки сончеви
периоди. Ќе дува слаб југоисточен и југозападен ветер. Утринските
температури во пораст и ќе се движат од 2 до 9 степени, додека пак
максималните дневни температури ќе бележат благо опаѓање и ќе бидат во
интервал од 9 до 17 степени.
СКОПЈЕ - Во Скопје умерено облачно време со услови за кратки сончеви
периоди. Слаб јужен и југозападен ветер. Утринската температура од 5
степени, а максималната дневна до 13 степени.
МАКЕДОНИЈА 5 ДЕНА – Во наредните денови следува умерено облачно време со
повремени сончеви периоди и невообичаено топло за овој период од
годината. Во сабота утринските температури од 1 до 7 степени, а пак
максималните дневни од 13 до 21 степени. Во недела и понеделник умерено
облачно време со сончеви периоди и максимални температури кои ќе се
движат од 16 до 23 степени. Во вторник дестабилизација на времето и
период на нестабилно време со врнежи од дожд и пад на температирите кои
ќе достигнат до 12 односно до 19 степени.
Weather4all.com.mk