Денес е петок, 11 ноември 2016 година, 316-иот ден во годината. Сонцето
изгреа во 06:13, а ќе зајде во 16:21 часот. Денот ќе трае 10 часа и 08
минути.
Во Македонија во утринските часови имаме умерено облачно време со
сончеви периоди и тенденција за намалување на облачноста. Зголемена
облачност имаме во југозападните и источните предели.
МАКЕДОНИЈА – Во утринските часови постојат услови за појава на магла,
особено во Скопската котлина. Претпладне ќе биде претежно сончево со
локална облачност, попладне зголемување на облачноста, која што во
доцните попладневни и во вечерните часови во крајните западните и
северозападните предели ќе услови врнежи од дожд кои во сабота ќе се
прошират насекаде. Ќе дува доумерен слаб југоисточен и југозападен
ветер. Утринските температури ќе бидат во опаѓање и ќе се движат од 0 до
8 степени, додека пак максималните дневни ќе достигнат до 8 односно до
18 степени.
СКОПЈЕ – Во Скопје во утринските часови појава на магла, која може да се
задржи и претпладне. Попладне умерено облачно време со повремени сончеви
периоди. Слаб јужен ветер. Утринската температура од 5 степени, а
максималната дневна до 15 степени.
МАКЕДОНИЈА 5 ДЕНА - Во Македонија во сабота нестабилно време со врнежи
од дожд, кои во утринските и претпладневните часови ќе бидат
поинтензивни во западните предели, а попладне во источните и
југоисточните предели, локално до 30 литри. Максималните температури од
6 до 16 степени. Во недела и понеделник доста студени утра со утрински
температури од -2 до 6, односно од -5 до 3 степени. Во текот на денот
претежно сончево со максимални температури од 6 до 16 степени во недела,
односно од 5 до 15 степени во понеделник. Студено утро и во вторник со
температури од -6 до 2 степени, претпладне претежно сончево, попладне
зголемување на облачноста и температури од 4 до 14 степени.