Фудбалскиот свет мора да внимава! Ким Јонг Ун, таканаречениот „Прекрасен водач“, ќе го создава најдобриот играч и најдобрата
фудбалска репрезентација на планетата. Тоа го изнесе во јавност, а тренерите и експертите веќе се зафатија со макотрпна работа.
Државното водство во Северна Кореја неодамна основаше фудбалска академија во главниот град Пјонгјанг, а резултатите треба да ги очекуваме во блиска иднина. Децата трудољубиво тренираат, а целта не им е мала. Напротив.
„Ги тренираме нашите избраници за да станат суперталентирани играчи, со подобри вештини од познатите фудбалери како што е Лионел Меси“, изјави Ри Ју Ил, еден од тренерите во академијата.
А потоа „испали“ реченица од која би можеле да умрете од страв или од смеење.
„Убеден сум дека наскоро ќе доминираме во Азија, а потоа и во целиот свет“, тврди самоуверениот Ју Ил.
Тешко е да се прогнозира за резултатите на севернокорејската фудбалска академија, но многу веројатно е дека ќе покажат напредок во однос на сегашната ситуација. Северна Кореја се наоѓа на 127 место на ранг-листата на ФИФА.
Двапати учествувале на светските првенства, првиот пат во 1966 година кога во четвртфиналето испаднаа од Португалија со резултат 3:2, иако водеа со 0:2. Второто учество им беше во 2010 година во Јужноафриканската Република, кога испаднаа во групната фаза.