Американската вселенска агенција НАСА објави фотографии од местото на падот на израелскиот слетувач на Месечината - „Бершит“ на кои се гледа темна дамка. Леталото се урна на Месечината минатиот месец.

Црно-белите фотографии прикажуваат како изгледа местото пред и по падот на слетувачот. На тоа место на 11 април годинава, поради дефект на моторот, неуспешно заврши првата мисија на израелската организација Спејс-ИЛ.

Од НАСА со својот Лунарен извиднички орбитер (ЛРО) ги снимиле фотографиите на 22 април, 11 дена по уривањето. Сателитот кружи на само 90 километри над Месечевата површина.

Темната дамка широка околу десет метри ја немало на фотографиите од истата локација од лани.

🛰️ 
\
\
\
🌑
New image! 📸 Our @NASAMoon orbiter captured this visual of the lunar impact site from @TeamSpaceIL's Beresheet spacecraft. If you look close, there are also clues about a possible man-made crater on the Moon: https://t.co/WgYqoxEMhS pic.twitter.com/jxdr9VV8Lq

— NASA (@NASA) May 15, 2019

Извор: МИА