Најголем углед меѓу работодавците уживаат студентите со завршени последипломски програми на универзитетите Харвард и Стенфорд во САД, како и тие од Лондонската бизнис школа (London Business School) или INSEAD во Франција.



Студентите кои ги завршиле последипломските програми за бизнис на американските универзитети Харвард и Стенфорд, како и тие од Лондонската бизнис школа (London Business School) или INSEAD во Франција имаат најголеми шанси да најдат работа било каде во светот. Ова го покажа глобалниот извештај за 250 најдобри факултети за бизнис за 2017 година што го направи консултантската компанија „Кваскарели Симондс“ (QS Ltd.) која на светско ниво нуди информации и решенија кои се однесуваат на повисоко ниво на образование и кариера.

Овој извештај ги лоцира универзитетските последипломски програми кои уживаат најголем углед меѓу работодавците. Тој се темели на спроведената анкета врз 12.125 менаџери за човечки ресурси кои одговарале на прашањето на кои студенти (од кој универзитет) им даваат предност при вработувањето. Според нивните одговори,  најголем углед меѓу работодавците уживаат последипломските програми на универзитетите во Северна Америка и во Канада, а после во Европа. Имено, од прворангираните 30 бизнис факултети, 20 се наоѓаат во САД и Канада, седум се од Европа, а останатите три се од другите континенти. На листата нема ниту еден универзитет од земјава. Од земјите во регионот, рангиран е факултетот за бизнис и економија на универзитетот во Атина.  
Според извештајот, кога станува збор за САД, работодавците во светот најмногу ги ценат бизнис факултетите на универзитетите Харвард, Стенфорд, Вартон, Келог и Чикаго Бут. На европско тло, пак, најлесно наоѓаат работа последипломците од бизнис школата во Лондон, францускиот INSEAD, HEC Париз, Оксфорд и IE бизнис школата во Шпанија.
        
Погледнете ја листата на топ 10 бизнис факултети во Северна Америка и Европа во поглед на предноста за вработување:


Европа:

1) London Business School
2) INSEAD
3) HEC Paris
4) Oxford Saïd
5) IE Business School
6) Imperial College Business School
 7) ESSEC Business School
8) Cambridge Judge Business School
9) IESE Business School
10) ESADE Business School


Северна Америка:

1) Harvard Business School
2) Stanford Graduate School of Business
3) The Wharton School
4) Kellogg School of Management
5) Chicago Booth School of Business
6) Columbia Business School
7) MIT Sloan School of Management
8) University of Michigan Ross School of Business
9) UCLA Anderson School of Management
10) NYU Stern School of Business