После нападот со хемиско оружје во северната провинција Идлиб во Сирија, социјалните медиуми беа преплавени со слики кои пренесуваа хуманитарни и политички пораки.


Во нападот загинаа 86 лица меѓу кои 30 деца. Поголемиот дел од сликите и видеата кои кружат на интернет ги прикажуваат мртвите жртви и оние кои страдаат како последица од нападот.

Голем дел од луѓето нивните профилни фотографии на Фејсбук и Твитер ги променија и поставија жолта боја - бојата која симболизира отровен гас - за да ја покажат нивната свест за инцидентот. Еден сириски новинар изјави дека со тоа ќе се привлече повеќе внимание за приказната.

Другите фотографии вклучуваат илустрација на мртви деца кои се носат на небото од токсични балони означувајќи го нападот како „хемиски масакр“. Сликите потсетуваат на оние споделени после хемискиот напад на Гоута во 2013 година, во кој се проценува дека биле убиени повеќе од 1.000 луѓе.


Една од поистакнатите слики во пресрет на нападот ги прикажува лицата на мртвите деца во облик на облаци од чад. Иако оригиналната слика е од напад врз Газа, таа беше искористена за да се пренесе смртта на сириските деца во Идлиб.


Американскиот уметник и професор Марк Нелсон, кој црта сцени од сириската војна, сподели неколку од неговите дела, вклучувајќи и слики од децата кои загинале во нападот.


Друга слика е карикатура на Ал Џезира која прикажува како сириските деца скокаат во гроб.


Се појавија и многу твитови кои го обвинуваат сирискиот претседател Башар ал-Асад за нападот, вклучувајќи ја и оваа слика од арапски графити на ѕид на кој пишува: „О Башар, го молиме Бога за денот кога ќе посакаш да си мртов, но нема да бидеш“.

Конгресменот Тед Лиеу претстави ливче за „препишување“ за прашањата поврзани со хемиското оружјево Сирија.