„Гугл“ веќе некое време работи на нов мистериозен оперативен систем кој е познат под името Fuchsia, а сега е објавено и првото видео од овој ОС каде се прикажува како ќе изгледа, пишува arstechnica.com.

За разлика од Android и Chrome оперативните системи кои се базираат на Linux, Fuchsia е создаден на новиот кернел на „Гугл“, Magenta, се потенцира во нивниот напис.

Fuchsia од форма на командна линија, кога е откриен во август минатата година, досега помина долг пат и неодамна доби и кориснички интерфејс. Дизајнот е заснован на на картички кои многу потсетуваат на Google Now.

Ако се тргне од изгледот на корисничкиот интерфејс, Fuchsia би можел да биде и новиот оперативен систем за паметни телефони и таблети на „Гугл“. Засега нема информации што планира  да прави „Гугл“ со овој оперативен систем, но постои можност Fuchsia во иднина дури и да се промовира како замена за Android.

Погледнете го видеото: