Запознајте ја Ејва Морисон-Бел, 11 годишното девојче од Британија која има сериозни размислувања.


Кога на училиште Ејва го доби прашањето како би можела да се подобри нејзината наставничка, Ејва храбро одговори дека наставничката не треба да го користи колективното казнување бидејќи не е фер за луѓето кои не направиле ништо. И тоа не е сè.

Дополнително на тоа, таа додава и еден историски доказ во кој пишува дека „под женевската конвенција од 1949 година, тоа е воено злосторство“.

И таткото на девојчето бил изненаден, па одговорот го постирал на „Twitter“.

„Не сум сигурен дали да ја казнам или да ѝ купам сладолед“, пишува татко ѝ.


Но, откако твитерџии позитивно реагираа на нејзиниот одговор, нејзиниот татко сепак одлучил да ја почасти со сладолед.