Секој има право да се чувствува удобно кога се вози во јавен превоз, но прашање е што е културно однесување. Мадридската компанија за ова планира да воведе построги правила за мажите кои се возат со раширени нозе, односно истото да го забрани.
Фото извор: Wikipedia / Peter Isotalo
Компанијата соопштила дека ваквиот начин на седење им пречи на другите луѓе, а сите патници мора да бидат одговорни и да го почитуваат личниот простор на оние кои седат до нив.
За ова ќе биде поставен и нов знак заедно со знаците што се за забрана на пушење, за внесување на јадење и слично.
До овој потег доаѓа по повеќемесечната кампања на жените во градот кои покренале петиција за оваа забрана и кои за многу кратко време станале популарни на социјалните мрежи.
Однесувањето на мажите во јавниот превоз е окарактеризирано како „покажување на ‘мачоизам’ и микроагресивност која може да доведе до тоа личноста изложена на нив да се чувствува непријатно“.
Мадрид за забраната го следи Њујорк, каде е воведена во 2014 година. Таму на почетокот полицајците ги апселе престапниците, но подосна биле ослободувани од обвинението.