Колку технологијата повеќе се развива, толку животот може да ни стане непотребно комплициран, наместо да биде спротивното. За секоја мала работа нè тера да преземеме некоја апликација, да се логираме на одредена страна или пак да дадеме одредени информации.
Апликациите повеќе ја немаат истата атрактивност како што имаа пред неколку години, поради што девелоперите сè повеќе се насочуваат на ботовите. Сосема едноставно кажно, ботовите се еден вид мини-апликации кои можат да извршуваат автоматизирани задачи, како што се местење на аларм, давање спортски резултати и слично.
Ботовите интегрирани во „Facebook Messneger“ не бараат регистрација, не бараат преземање на посебни апликации. На корисниците им се сервирани на препознатлив и едноставен начин. Доволно е да одите на страницата за ботови, да притиснете испрати порака, па потоа директно да се префрлите во месенџерот, во кој можете да ја започнете интеракцијата.
Заедничко им е тоа што можете да разговарате како со вистинска личност. Сепак, фразите се шаблонски, но како што ботовите се развиваат со помош на вештачката интелигенција и машинското учење, така фразите стануваат поприродни.
Ова се најдобрите ботови.
1. Mica, The hipster cat bot
Можете да го користите овој бот кога ви треба некое хипстерско место каде можете нешто да јадете или да се напиете. Може да испратите директна локација преку месинџер или да го напишете името на градот каде што сакате да барате место за јадење.
2. Poncho
Бот кој може секојдневно да дава прогнози, дури и повеќе пати, а може да ја даде и моменталната метеоролошка состојба генерирајќи слики од прогноза, додека другите временски ботови воглавно користат емотикони.
3. Sequel Stories
Овој бот внесува крими приказни во месинџерот, во кој приказната се случува како да се допишувате со некој, а со самото тоа сте подлабоко инволвирани во приказната.
4. theScore Bot
Овој бот ви овозможува да добивате резултати и вести кои се однесуваат на одредени клубови.
5. MemeGenerator Bot
Понекогаш пребарувањето за идеално меме кое би ја опишало ситуацијата е тешко и напорно. Наместо да го пребарувате цел интернет и да барате меме генератори, со овој пот е многу поедноставно.
6. Unicorn Bay
Бот кој ви овозможува да ги следите акциите на берзата.
7. Hello Jarvis
Бувот преку месенџер може да ве потсети на различни работи за кои ќе побарате да ве потсети.
8. Instalocate
Наместо да одите на веб страници на аеродроми или авиопревозници за да проверите кога е вашиот лет и дали дошло до некакви промени, попрактично е само да го напишите бројот на летото, па ботот ќе ви ги даде сите информации за него.
9. Alex WikiMessenger - Wikipedia Bot
Еден од попрактичните ботови служи за пребарување на Википедија на англиски јазик. Доволно е да го напишете поимот за кој сакате да дознаете повеќе, а после тоа ботот ви испраќа линквои за кои смета дека се релевантни.
10. Beer Bot
Бот кој ви овозможува да ги истражувате сите видови на пива и пиварници кои се во ваша близина.
Автор: Иван Лузар