Доколку пуштите која било радиостаница во Македонија, големи се шансите да го слушнете мегахитот на Луис Фонси, „Despacito“.
Фото: Јутјуб
Оваа песна го освои светот - за 5 месеци успеа да собере 2 милијарди прегледи на „Јутјуб“, што досега не му успеало на ниту едно друго видео.
Со оглед на тоа што станува збор за една летна романса, несомнено оваа песна ќе продолжи да биде хит и во наредните неколку месеци.
Со рекордниот број прегледи, „Despacito“ се најде на шестото место на листата со најгледани видеа на оваа видеоплатформа.
На прво место сè уште се наоѓа „Gangnam Style“ со 2,8 милијарди прегледи, а на второто место е „See You Again“ од Виз Калифа и Чарли Пут. На третото место за релативно краток период се искачи Џастин Бибер со „Sorry“.
Денес, вкупно 12 видеа имаат над 2 милијарди прегледи на „Јутјуб“, додека на песната „All About That Bass“ на Меган Трејнор, за да стигне до оваа голема бројка, потребни ѝ се уште најмалку милион прегледи.
Од овие 12 видеа, 11 се спотови од песни, а едно е епизода од „Маша и Медо“, односно рускиот цртан филм што ги освои децата низ светот.
Кога станува збор за изведувачите, само Тејлор Свифт има два видеоспота со повеќе од 2 милијарди прегледи.
Ова е листата со најгледани видеа:
1. „Gangnam Style“, Псај - 2,887 милијарди прегледи
2. „See You Again“, Виз Калифа и Чарли Пут - 2,874 милијарди прегледи
3. „Sorry“, Џастин Бибер - 2,619 милијарди прегледи
4. „Uptown Funk“, Марк Ронсон и Бруно Марс - 2,535 милијарди прегледи
5. „Despacito“, Луис Фонзи и Деди Јенки - 2,336 милијарди прегледи
6. „Masha and the Bear: Recipe for Disaster“ - 2,287 милијарди прегледи
7. „Shake It Off“, Тејлор Свифт - 2,234 милијарди прегледи
8. „Bailando“, Енрике Иглезијас, Десемер Буено и Генте де Зона - 2,216 милијарди прегледи
9. „Sugar“, Марун 5 - 2,132 милијарди прегледи
10. „Roar“, Кети Пери - 2,114 милијарди прегледи
11. „Blank Space“, Тејлор Свифт - 2,095 милијарди прегледи
12. „Lean On“, Мејџор Лејзер и диџеј Снејк - 2,091 милијарди прегледи