Градскиот аматерски театар „Сцена 71“, Меѓународниот Славјански универзитет „Г. Р. Державин“ и Домот на културата „Крсте Мисирков“ од Свети Николе се вратија со 3 награди од летната турнеја во соседството.

Театарот постои од 1971 година, а со претставата „Европејци“ светиниколските актери гостуваа на три фестивали во регионот. Првиот фестивал на кој се претставија е „Фестивал на фестивалите“ во Требиње, потоа фестивалот „Хистрион“ во Прокупље и Фестивалот на студентски театар „Кестенбург“ во Бања Лука.























„Европејците“ ги освои срцата на публиката и беше наградена со:

- Трето место „Голем Хистрион“ - фестивал „Хистрион“ - Прокупље
- Награда за најдобра сценографија за Стефан Ѓорчев - Прокупље
- Награда за колективна актерска игра во Бања Лука

Претставата е работена по текст на Мирољуб Недовиќ, а е во режија на Слободан Елисеев. Премиерата на претставата се одржа на Меѓународниот Славјански универзитет во Свети Николе во април 2017, на затворањето на меѓународниот театарски фестивал „Билазора“.