Граѓаните на Луксембург трошат најмногу пари за патување - во просек 740 евра по личност, во споредба со останатите земји во ЕУ, покажува истражувањето на „Еуростат“.


После нив се граѓаните на Австрија кои за време на одморите, за патувања трошат околу 610 евра, а потоа се Малтежаните кои за патување и трошоци во просек издвојуваат 590 евра.

Земјите кои најмалку трошат се Романија и Летонија со околу 116 евра трошоци, а после нив се Чешка и Унгарија - помеѓу 120 и 130 евра.

Податоците од „Еуростат“ покажуваат дека Шведска, Словенија, Словачка, Хрватска и Грција трошат околу 200 до 300 евра по личност за патување, а помеѓу 300 и 400 евра трошат Данците, Французите, Италијанците, Холанѓаните и Финците.

Повеќе од 400 евра трошат Германците, Ирците, Кипраните, повеќе од 500 евра трошат Белгијците и Малтежаните, а над 500 евра трошат жителите на Австрија и Луксембург.

Во просек, во ЕУ за патување се трошат 320 евра.