Рускиот претседател Владимир Путин на состанок со студенти зборувал за развојот на вештачката интелигенција. Тој истакнал дека оној што ќе стане лидер во оваа сфера ќе биде и владетел на светот.


Многумина од оние што работаат во оваа област ја гледаат вештачката интелигенција како алатка за подобрување на човештвото, додека други ја гледаат како крајот за човечкиот вид. Путин го истакнал потенцијалот на вештачката интелигенција да биде алатка за огромна моќ на една нација. Тој има визија за иднината каде што војните ќе се војуваат и победуваат со помош на дронови.

Технолошката супериорност многу лесно се претвора во глобална политичка моќ. Ова најмногу се согледувало по Втората светска војна, кога настана брзо создавање на нуклеарни оружја. Двете најмоќни земји забележаа голем напредок во нуклеарната технологија.

Претседателот Путин можеби не е далеку од вистината со неговите тврдења. Без разлика како се користи технологијата, таа ќе воведе трансформација во животот на луѓето. Вештачката интелигенција и натаму ќе напредува, со потенцијал да ги остави другите технологии зад себе.