London Metropolitan University (MET) е реномирана образовна институција со седиште во Лондон. Традицијата, квалитетот на студиите, како и извонредноста на наставата го прават светски реномиран универзитет и избор на секој иден студент во светот.

Студентите ќе учат и ќе стекнуваат вештини под менторство на врвни британски професори, а во текот на студирањето ќе имаат можност да бидат дел од реномирани компании каде што ќе ги согледаат процесите кои се одвиваат во вистинска работна средина и ќе се стекнат со практично искуство.

MET ги следи светските трендови и им нуди на студентите најсовремени услови на студирање. Овозможува техничка поддршка и пристап до онлајн-библиотека, каде што студентите ќе најдат соодветни ресурси за учење: научна литература, публикации, прирачници, аудио и видеоматеријали.

- Со особена радост и гордост најавуваме дека идните студенти отсега и преку студирање во Скопје ќе ја имаат привилегијата да бидат дел од реномираниот London Metropolitan University. Среќни сме, а и горди што ќе им понудиме можност на сите амбициозни личности да студираат по најсовремени стандарди, да го почувствуваат духот на лондонското образование и да се стекнат со врвно знаење и експертиза. Искуството и знаењето што ќе ги стекнат ќе ги направат висококомпетитивни на пазарот на труд, а британската диплома што ќе ја стекнат од додипломски и постдипломски студии на крајот од нивното студирање ќе им го олесни патот кон градењето на кариерата од соништата - изјави Wendy Bloisi, одговорна за академски партнерства на MET.

Бидете дел од успешната приказна на MET. Бидете дел од образовен процес, формулиран по британски терк, кој освен класичното образование, вклучува активности кои ја стимулираат интелектуалната љубопитност, имагинацијата и рационалното размислување. Главен акцент се става на стекнување практични вештини, кои по завршувањето на студиите ќе ги зајакнат вашите компетенции на пазарот на трудот. Како студент на додипломски и мастер-студии на MET ќе се стекнете со врвно знаење и експертиза, а крајот на студиите ќе биде крунисан со престижна британска диплома која е високо вреднувана низ целиот свет. Како дел од MET, пред вас ќе се отворат нови хоризонти и можнoсти кои несомнено ќе ја направат вашата иднина поблескава.