Во неделата падна снег на едно од местата на кои никогаш не би претпоставиле дека тоа би се случило. Во Аин Сефра, алжирски град во пустината Сахара, имаше снег на дините кој се задржа час и половина, пред да се стопи. Локален фотограф направил фотографии од овие сцени.


Градот се наоѓа на 1000 метри надморска височина. Просечната температура во јануари е 12,4 Целзиусови степени. Според сите карактеристики, местото се вбројува во пустински предел. Но, во текот на викендот метеосервисот во Алжир предвиде дека ќе падне снег, а тоа се случува екстремно ретко. Во неделата вечерта предвидувањето се потврди.


Студен воздух во комбинација со низок воздушен притисок од западниот дел на Медитеранот донел снег во градот кој е составен од пустински дини и е опкружен со планини. Слична ваква појава имало и минатата година, а пред тоа снег бил забележан во февруари 1979 година.


Многумина ќе помислат дека сето ова се случува поради глобалното затоплување, но ваквата појава е можна и се случува. Снег може да падне и на топли места.