Вашето знаење е единственото нешто што никој не може да ви го одземе. Луѓето учат во текот на целиот живот. Понекогаш заради брзиот технолошки напредок, понекогаш заради свои, лични потреби... Но сите сакаат да совладаат одредени вештини за што е можно пократко време. Еве список со книги што ќе ви помогнат да научите нешто ново за само 30 дена:

„Successful Business Planning in 30 Days“ – Peter J. Patsula

Оваа книга е наменета за сите што сакаат да покренат сопствен бизнис. Но, исто така може да биде корисна и за менаџерите кои планираат да развиваат нови правци. Авторот разработил детални инструкции. Тоа ќе ви помогне да направите пристоен деловен план за само 30 дена.

„Successful Business Plan: Secrets & Strategies“ – Rhonda Abrams

Со оваа книга авторката им помага на почетниците да креираат корисен деловен план наместо неупотреблива хартија за инвеститорите. Според нејзиното мислење, бизнис-планот е патоказ кој води кон успех. Значи, тоа е нешто што треба да се создава со мудрост.

„The Body Language of Liars“  – Lillian Glass

Способноста да се утврди дали некоја личност лаже може да ја поседува секој. Но авторката на оваа книга, експерт за говорот на телото, споделува едноставен пристап за откривање лаги на секое ниво. Книгата е добра и за оние мали „бели лаги“ што сепак можат да влијаат врз целиот живот.

„Telling Lies“  – Paul Ekman

Авторот е американски психолог познат во целиот свет. Во својата книга тој ќе ве научи како да ги забележувате малите детали што другите луѓе не ги гледаат. Тие можат да ви помогнат да откривате мали, но и големи лаги.

„Becoming Fluent: How Cognitive Science Can Help Adults Learn a Foreign Language“  – Richard M. Roberts, Roger J. Kreuz

Авторите на оваа книга се когнитивни научници. Тие ги насочуваат сите свои научни искуства за да им помогнат на возрасните во учењето и совладувањето на странските јазици.

„The Power of Forgetting: Six Essential Skills to Clear Out Brain Clutter and Become the Sharpest, Smartes You“  – Mike Byster, Kristin Loberg

Писател и математичар се обединиле за да ја напишат оваа книга. Тие направиле одличен водич за луѓето што сакаат да го откријат својот вистински потенцијал. Оваа книга не се однесува само на сеќавања, туку и на постигнување ефикасност во сè што ќе работите. Авторите нудат стратегија за учење и вежби кои ќе ви помогнат да се навикнете на ваков начин на размислување.

„Breakthrough Rapid Reading“ – Peter Кump

Кој не би сакал побрзо да ги прочита своите омилени книги и да може да ги запомни сите важни информации во нив? Брзото читање е добро решение. Во својата книга авторот пишува за теориите што се предаваат на најдобрите курсеви за брзо читање. Тој исто така на читателите им нуди и некои од неговите единствени методи.

„Thinkertoys: A Handbook of Creative“ – Thinking Techniques – Michael Michalko

Креативното размислување не е вродена функција. Во својата книга авторот, кој е водечки експерт за креативност, собрал и систематизирал некои стратегии што помагаат при креативното размислување. Техниките, вежбите и некои многу тешки гатанки што се наоѓаат во книгата ќе ви овозможат да преземете чекори кон креативно размислување.