Владите низ светот сè уште се обидуваат да сфатат што да прават со криптовалутите. Ова е актуелна тема во последниот период, а уште поинтересно е тоа што на самиот почеток на ЗОИ беше најавено дека спортист од Канада ќе биде исплатен во криптовалути.


Канадскиот лизгач Тед Џен Блоемен потпишал едногодишен договор за спонзорство со социјална мрежа за криптовалути. Традиционално, спортистите на олимпијадите добиваат пари за својот настап, како и договор за спонзорство, но ова е прв ваков договор.

Спортистот објаснил дека смета оти нема ризик да не добие ништо. Вели дека овој вид спонзорство е забавно бидејќи си помагаат едни на други – тој ќе ѝ помогне на компанијата што го спонзорира да се истакне и да успее, а ќе добие придобивки за себе, што е успех за сите.

Нивното партнерство ќе го доближи спортот до корисниците на виртуелната реалност во светот. Инаку, Тед е роден во Холандија, но се натпреварува за Канада, а на последните светски шампионати има освоено 4 медали.