Нова научна студија го илустрира феноменот познат како соларен „гранд минимум“. Се работи за период кога магнетизмот на Сонцето ќе се намали, Сончевите точки ќе бидат помалку фреквентни, а ултравиолетовата радијација ќе доаѓа во помала количина до Земјата – сето тоа поради случајни флуктуации во магнетното поле на Сонцето. Тоа може да значи необично студени температури за нас, а и Сонцето може да изгледа како да е затемнето.


Овој „гран минимум“ може да биде посебно студен, како што активноста на Сонцето ќе се намалува повеќе од вообичаениот 11-годишен циклус. Тоа значи пониски температури за делови од светот. Се предвидува, според некои студии, дека ќе видиме 7% намалување на Сончевата светлина и топлина (повторно, 7% пониско ниво од најниското во 11-годишниот циклус). Таков „гранд минимум“ се случил во средината на 17 век, кога реката Темза замрзнала, како и Балтичкото Море.

Точниот датум и прецизноста на настаните уште не се доволно познати, но сите податоци укажуваат на 2050 година. Сепак, може да почне и порано, односно околу 2030 година, и да трае повеќе од 50 години.
Дали тоа ќе нè спаси од глобалното затоплување? Научниците сметаат дека одговорот на тоа прашање е сепак негативен. Се работи само за фракција на затоплувачкиот ефект предизвикан од зголемена концентрација на јаглероден диоксид во атмосферата.