Во мал магацин, на два часа од Москва, има 56 мртви луѓе што верувале дека повторно ќе живеат. Нивните тела се превртени наопаку, крвта е целосно испуштена од нивните артерии и се нурнати во течен азот на температура од минус 196 Целзиусови степени, а така ќе стојат во следните 100 години.


Чекаат нов живот или продолжение на оној што веќе го имале. Повеќето од телата им припаѓаат на луѓе што дочекале природна смрт. Донеле одлука да бидат крио-зачувани пред да починат, а во некои случаи нивните семејства потпишале согласност и платиле 36.000 долари за да ги замрзнат телата на починатите.
Чекањето напредок во крио-конзервација е познато уште како трансхуманизам. Веруваат во напредокот на технологијата и дека еден ден ќе можат повторно да бидат разбудени. Овие верувања не се нови бидејќи и во 20 век имало движење наречено космизам преку кое се раѓала идејата дека луѓето ќе можат да ги победат злото и смртта.

Еден век подоцна ова движење се трансформира во трансхуманизам, верување дека технолошкиот напредок ќе ги надмине ограничувањата на модерните луѓе. Потеклото на ова верување е од Русија, но се протега и низ целиот свет. Меѓу споменатите 56 смрзнати тела во Русија има и странци, односно Италијанци, Украинци, Американци и Израелци. Дури има и 22 миленичиња, меѓу кои кучиња и мачки.

Криониката е сега основна алатка на трансхуманизмот, иако се смета и за најдобрата технологија за да се спречи телото од распаѓање. Првиот човек што подлегнал на вакво нешто е Џејмс Бедфорд, кој починал во 1967 година. Неговото тело и натаму е замрзнато и наводно не е променето веќе 51 година.

Сепак, уште никој не е повторно разбуден преку оваа постапка, што значи иднината во која смртта не е победена сè уште не е пристигната.