Далија Рамос е шефица на одделот за изградба и тестирање во „Алпин Ф1 тим“, конструктор на „Формула 1“.
По започнувањето на кариерата во „Проктер & Гембл“, Рамос се преселила во Англија на магистратура по производствено инженерство и менаџмент на Универзитетот во Нотингем.
Потоа работела во „Ролс-Ројс“ како производствен инженер. Нејзиниот живот добил драматичен пресврт кога францускиот производител на автомобили „Рено“ ја реновирал својата фабрика Ф1 во Ен Стоун, Англија, и го ребрендира својот бренд Ф1 за да стане „Алпин Ф1 тим“.
Ребрендирањето отвори работно место за шеф на изработка и тестирање на „Алпин“, тим одговорен за механичка конструкција, тестирање и финална конструкција на тркачките автомобили.
Фото: Alpine F1 Team
Рамос вели дека тоа е голем и обемен оддел кој работи на голем број аспекти на возилото, како што се менувачот, сопирачките, хидрауликата, предните и задните спојлери, гумите и седиштата.
Исто така, ги произведува алатките што ги користи екипажот во боксот и се грижи за автомобилите на академијата „Алпин“ што ги користат нејзините млади возачи.
Рамос смета дека работата е совршена за неа.
Кoга му се приклучила на тимот на „Алпин“, нејзината прва задача била да го изгради автомобилот на тимот за сезоната 2022 година, а целите биле да ги подобри претекнувањето, блиските трки и конкуренцијата во спортот.
- Периодот пред почетокот на сезоната го нарекуваме „изградба на автомобили“. Тоа ми беше прва година, мојот прв автомобил и беше исклучително тешко. Сите ми велеа дека е најлошото што го доживеале во последните години - раскажува таа.
Новиот автомобил требаше да се трка во кампањата во 2021 година, но тоа беше одложено поради пандемијата. „Алпин“ ја искористи можноста за понатамошен развој на болидот, вели Рамос.
Фото: Alpine F1 Team
- Во Ф1 секогаш кога ќе ви речат дека имате уште 10 минути, треба да ги искористите тие 10 минути и да го подобрите болидот. Кога стигнавме до склопување на компонентите, беше прилично интензивно. Работевме седум дена во неделата и тоа навистина долги смени - раскажува Рамос.
- Обично имаме генерален план за тоа што ќе се случи во текот на годината, но тој станува поконкретен како што се приближуваме до одредени трки - вели таа и додава дека добива повратни информации од возачите на „Алпин“, Фернандо Алонсо и Естебан Окон, за време на трките.
Според Рамос, од 850 луѓе што работат во фабриката на „Алпин“ во Естон, само 11 отсто се жени, а само пет доаѓаат од Латинска Америка.
- Еден пријател ми рече дека сум малцинство меѓу малцинствата. Горда сум поради тоа - вели Рамос.
Фото: Alpine F1 Team
Францускиот тим работи со Комитетот за различност и инклузија и има цел да ја зголеми застапеноста на жените на 30 отсто до 2025 година. Рамос вели дека првиот чекор е да им се покаже на жените дека Ф1 ќе им ги даде местото, вредноста и почитта што ја заслужуваат.
- Треба да ги едуцираме луѓето во фабриката кои не се навикнати да гледаат жени на одредени позиции - додава таа.
„Алпин“ моментално се наоѓа на петтото место на Светското првенство за конструктори, со 47 поени. Окон е на 9. место во шампионатот на возачи, а Алонсо на 11. место.
Извор:
Business Insider
Фото: Alpine F1 Team