На сите нас барем еднаш во животот ни се случило да сонуваме дека паѓаме, дека некој нѐ брка или убива, после што се будиме во состојба на паника, па потребно ни е време да сфатиме дека ништо од тоа всушност не се случило.

И покрај тоа што сме преплашени, сепак науката вели дека кошмарите служат како еден вид на емоционално ослободување, а благодарение на тоа ослободување, кај човекот се намалува нивото на секојдневен стрес и анксиозност.

Обично она што најмногу нѐ плаши на јаве, продолжува да нѐ плаши и во соништата. Потсвеста и апстрактните стравови се претвораат во приказна која се јавува како кошмар.

Еве како функционира сето тоа: мозокот го претвора стравот во меморија во вид на кошмар. Ова е корисно бидејќи многу полесно е да се соочите со спомените кои претставуваат нешто што се случило во минатото, отколку со „магловита“ анксиозност во врска со светот кој нѐ опкружува.

Така што, ако спаѓате во оние 8% од луѓето кои од време на време се соочува со кошмари, не се грижете - тоа е само начин на кој вашиот мозок се ослободува од стравовите во вас.