Сите имаме посебен начин за мерење на успехот. Сепак, начинот се менува како што старееме.

Бил Гејтс тоа го прави на крајот од годината со процена на неговиот приватен и работен живот - традиција за која вели дека ја почнал уште од детството.

Тој вели дека неговите процени денес, на 63-годишна возраст, се многу различни од оние кога имал 20 години.

- Тогаш процената на крајот од годината се состоеше само од едно прашање: „Дали софтверот на 'Мајкрософт' го реализира сонот за персоналните компјутери?“


- Би се смеел на овие прашања на 25-годишна возраст, но како што стареам, тие ми стануваат многу позначајни - вели тој.

Доколку немате свој показател за успех, вреди да си ги поставите прашањата што Гејтс си ги поставил на крајот од 2018 година:

1. Дали доволно му се посветив на семејството?

Парите можат да купат многу работи, но не можат да купат дополнителна минута во текот на денот. Дури и со зафатениот распоред Гејтс издвојува време за семејството. Заедно со сопругата гледаат серија, а додека беше извршен директор на „Мајкрософт“, Гејтс редовно ја носел ќерка си на училиште.

2. Дали научив доволно нови работи?

Иако Гејтс се откажал од „Харвард“ во 1975 година, и понатаму има неверојатна желба за учење. Како што изјави во една пригода, тој чита 50 книги секоја година.

- Сакам да посетувам интересни места, да се среќавам со научници и да гледам лекции на интернет. Но, читањето и понатаму е главниот начин на кој учам нови работи и го тестирам моето знаење - рече Гејтс.

3. Дали создадов нови пријателства и дали ги продлабочив старите?

Ворен Бафет имал улога во влијанието на ова прашање. Во 2017 година, во текот на сесијата „Прашај ме  што било“ на „Редит“, Гејтс одговори на прашањето: „Која е твојата идеја за успех?“, цитирајќи го неговиот пријател Ворен Бафет.

- Ворен Бафет секогаш вели дека најдоброто мерење на успехот е дали луѓето што ти се блиски се среќни и те сакаат - напишал Гејтс.