Добро е да постои описно оценување, но вака како што е поставено, сите ги збунува и од тој писмен опис на оценката тешко може да се заклучи какви се постигнувањата на учениците, велат наставници по објавата на информацијата на Деца.мк дека учениците во четврто, петто и во шесто одделение ќе мора да добиваат описни оценки и на полугодие, согласно новиот Закон за основно образование. Досега описно беа оценувани во 1. и 3. тримесечје, а бројчени оценки добиваа на полугодие и на крајот од годината.
Побаравме мислења за најавената новина. Во меѓувреме оваа најава предизвика многу реакции од стручната јавност, како и од родителите.