Албанските лагуни Караваста, Нарта, а сè почесто и Куне-Ваин, се полни со фламинга поради што бројот на посетители на овие крајбрежни места е зголемен.

Лагуната Нарта е позната и по името „Куќа за фламинга“ поради нејзината географска локација и длабочина на водата.

Разиграните фламинга нудат природен спектакл за локалните и странските туристи, а благодарение на забраната за лов, фауната во оваа област станува сè побогата.

Албанскиот министер за туризам и животна средина, Бленди Кљоси, на „Фејсбук“ објави фотографии од фламинга во Звернец и додаде дека тие се дополнителна атракција за туристите кои сакаат да набљудуваат птици.

- Ефектите од мораториумот, кои се потврдуваат и со растечките бројки според најновите евиденции на птици, ги трансформираат албанските мочуришта во туристички дестинации со богата фауна и прекрасна природа - истакна Кљоси.