Комисијата за заразни болести на денешниот состанок ја разгледуваше епидемиолошката состојба во државата. Лесно зголемување на позитивни од тестирани за ковид-19 има во Скопје и во Тетово. Според анализите во Тетово, ширењето на вирусот е поради непочитување на препораките и протоколите при организирање семејни веселби и друг тип веселби во затворен простор. И покрај бројот на активни случаи и позитивни од тестирани за ковид-19, состојбата е стабилна, а во болниците нема притисок од хоспитализации, пишува во соопштението од Министерството за здравство.

Комисијата за заразни болести во моментов останува на досега препорачаните мерки, кои би се заостриле во моментот кога ќе се укаже таква потреба.