Американската вселенска агенција НАСА ја претстави астронаутката Никол Аунапу Ман – првата домородна Американка што ќе патува во вселената.
Ман е полковник кај маринците, а му припаѓа на народот Вилацки. НАСА потврди дека таа ќе биде командант на мисијата „Кру-5“ на Меѓународната вселенска станица (МВС), која ќе се спроведе со ракета на „Спејс-икс“. Лансирањето е закажано за 29 септември, со шестмесечен престој.
Екипажот на мисијата ќе го сочинуваат и астронаутот на НАСА, Џош Касада, Јапонецот Коичи Ваката и Русинката Ана Кикина.
Инаку, Џон Херингтон од народот Чикаса се смета за првиот домороден Американец кој отишол во вселената, со вселенскиот брод „Ендивор“ во 2002 година.
За Ман, ова е историски миг. Таа верува дека нејзината мисија ќе ги „урне бариерите“ за децата староседелци кои не веруваат дека можат да станат астронаути.
Извор: МИА