Кога 18 учесници влегоа во куќата на „Големиот брат“ во Германија, на 6 февруари, коронавирусот само што почна да се шири во земјите надвор од Кина. Германија имаше потврдено 13 заразени, САД 12, а Велика Британија само 3. Спортските настани, концертите и социјалните собири се одржуваа и светската популација беше несвесна за кризата што претстои. За сите учесници од ова реално шоу ситуацијата остана иста.
Целта на популарната телевизиска програма е да се соберат непознати и да бидат заклучени во куќа со недели, без да имаат допир со надворешниот свет. Продуцентите се држеа до тоа, иако беа затворени границите, продавниците беа испразнети и светот беше принуден да запре.
Но, по неколкунеделна неинформираност учесниците неодамна дознаа за пандемијата, и тоа во живо на телевизија во специјална епизода на шоуто. Некои од учесниците плачеле додека гледале видео за ширењето на
коронавирусот. Потоа, тие му поставувале прашања на лекарот во куќата и гледале видеа од роднини.
Извори:
Си-ен-ен и
Би-би-си
Фото: sat1.de