Вработените во Силициумската долина работат во некои од најлуксузните канцеларии затоа што технолошките компании се натпреваруваат во привлекувањето на врвните таленти.
Некои компании нудат зголемена флексибилност и продолжено отсуство, стипендии за патување и бонуси за родители. Други се движат во спротивна насока, минимизирајќи ја потребата да се напушти канцеларијата со тоа што им овозможуваат забава, здравство и многу други работи на самото работно место.
Фото: Facebook
Ова се некои од придобивките што ги имаат вработените во најдобрите технолошки компании.
- „Епл“ одржува „забави со пиво“ секој декември, со бесплатни пијалаци, јадење и музички перформанси за вработените.
- Вработените на „Ејр-би-ен-би“ добиваат 2.000 долари годишна стипендија за да престојуваат на местата што ги нудат низ цел свет.
- „Фејсбук“ дава 4.000 долари за новите родители, плус надомест за посвојување или замрзнување на јајце-клетки.
- „Зилоу“ финансира ноќна испорака на мајчино млеко за мајки што мора да одат на бизнис-патување.
- Вработените во „Амазон“ може да ги доведат своите миленичиња на работа, за никогаш да не бидат одделени од нив.
- „Скуер“ се обидува да им угоди на вработените така што тие во секое време имаат специјалисти за масажи, киропрактичари и акупунктуристи.
- „Оракл“ нуди сервиси за хемиско за вработените за тие да изгледаат најдобро на работното место.
- „Ви-емвер“ нуди 2 слободни дена по загубата на домашно милениче.
- „Нетфликс“ е едно од најдобрите места за работа ако имате деца, со цела година породилно отсуство за новите родители.
- Вработените во „Тесла“ од
компанијата можат да позајмат автомобили за патување до работа и да го задржат во викенд.