Замокот Вибреис стана вистинска атракција поради пристапната цена за негово купување. Сепак, постојат неколку услови.
Имено, можете да го купите замокот, и тоа за само 55 долари. Но, не можете да го купите целиот, туку само негов дел и така да станете косопственик на остатокот од дворецот што некогаш бил резиденција на средновековната елита во Франција.
Станува збор за замокот Вибреис, кој се наоѓа во регионот Гранд Коњак и кој всушност е рушевина. Засега има повеќе од 1.700 косопственици, кои заедно дале над 175.000 евра.
За да се обнови замокот, потребни се милион и 240 илјади евра, а секој што ќе вложи во него се води како негов косопственик, еден дел од него се нарекува по името на сопственикот и може да одлучува за иднината на замокот.
Освен реставрирање на замокот, се планира да се искористи и неговото плодно земјиште за одгледување органски производи, а приходот од продажбата би отишол кај
сопствениците.
Замокот бил откриен пред неколку месеци, а напуштен е повеќе од 100 години. Бил изграден во 9 век.
Во ренесансата 150 години бил во сопствеништво на благородното семејство Мареил, а потоа неколку пати се менувале сопствениците.