Во случај да пропуштивте...
Ви нудиме краток преглед на авторските теми што ги објавивме неделава:
Кларинетистот Благој Ламњов во Шведска ги спои велешката чалгија и класичната музика: Поезијата на Рацин ми ја разбуди креативноста:
Музичарот, кој повеќе од 15 години живее и твори во Шведска, во своето дело успеа да ги спои македонскиот фолклор, чалгијата и изворните инструменти со модерниот звук користејќи ја германската класична музика и класичниот тон на кларинетот, кој го привлече уште на четиригодишна возраст.
Иако февруарските врнежи малку го освежија, Преспанското Езеро сѐ уште се бори за живот: Преспанското Езеро се соочува со сериозна еколошка катастрофа. Веќе подолг временски период е во критична состојба. Се подготвуваат анализи за нивото на водата, за животот во езерото, студии за ревалоризација, стратегии за спасување, сѐ што би му овозможило оживување и вештачко дишење.
Дали е возможно квалитетно да се обучат наставниците за еден целосно нов концепт на образование, на кој ќе треба да се приспособат и да го применуваат од 1 септември? Ова е едно од главните прашања на кои Факултети.мк побара одговори од практичари, кои со години се дел од образовниот систем и добро ги знаат условите.
Се нарачува кафе со знаковен јазик, покажувајќи со прст, се чита од усни... Радмила и Мартин сакаат да покажат дека и глувите лица се способни: Радмила Периќ и Мартин Ангелов раскажуваат инспиративна приказна. Веќе една година успешно раководат со првото знаковно кафуле. Глувоста не им е пречка да го остварат сонот, туку предизвик да покажат дека промените ги правиме сами, без себеограничување.