За дел од вработените во железницата во Индија бркањето слонови од пругите е секојдневие. Но, не успеваат секогаш. Затоа властите од градот Морадабад инсталирале аудиосистеми од кои излегува звук на брмчење на пчели покрај пругите. Зошто пчели? Се чини дека слоновите се плашат од нив.

- Се покажа дека системот е успешен бидејќи не е забележана несреќа со животни во последните две години - велат властите.


Очигледно слоновите не се вознемируваат кога ќе го слушнат звукот на воз кој се приближува, па затоа се случуваат незгоди на пругите. Од 1987 до јули 2017 на овој начин настрадале 266 слона во Индија.

Идејата за звучниот систем била на железницата и секторот за шумарство, кои го имплементирале проектот пред две години. Системот бил инсталиран на над 50 места каде што поминуваат многу слонови. Звукот се пушта неколку минути пред поминувањето на секој воз и се слуша до над 600 метри.


Автор: Марко Маргаритоф
Извор: allthatisinteresting.com