Првпат по 17 години музичкото списание „Ролинг стоун“ ја освежи својата листа со топ-500 најдобри песни на сите времиња.

Оригиналната листа беше објавена во 2004 година и оттогаш музиката се промени - се појавија нови уметници и нови жанрови. Повеќе од 250 уметници, музичари, продуценти, критичари и новинари учествуваа во изборот на најдобрите песни, а дури 254 нови песни се појавија на листата.

Песната „Respect“ на Арета Френклин од 1967 година беше избрана за најдобра песна на сите времиња. Првично ја испеа Отис Рединг, но изведбата на Арета беше најпопуларна.

На второ место се најде песната „Fight the power“ од групата „Паблик енеми“, а на третото место е песната „А Change Is Gonna Come“ од Сем Кук.

Фото: Freepik