Архитектот Стефано Боери е фасциниран од дрвјата.

- Кога бев дете, цитирав роман напишан од италијанскиот писател Итало Калвино чие име е „Баронот во дрвјата“. Тоа беше приказна за еден млад војвода кој одлучил, кога имал 12 години, да го напушти своето семејство и да продолжи да живее на дрво во шумата - вели Боери.

Оваа аналогија може подобро да ја објасни фасцинацијата на 64-годишникот со природата - доживотна фиксација што го натера да ја дизајнира првата вертикална шума во светот.

„Боско вертикале“ е комплекс од станбени кули сместени во срцето на областа Порта Нуова во Милано и е дом на над 21.000 дрвја, грмушки и повеќегодишни растенија.

Beгетацијата ги намалува загадувањето на воздухот и бучавата од сообраќајот. Двете висококатници користат обновлива енергија од соларни панели и филтрирана отпадна вода за да ги одржат растенијата во живот.

Тие, исто така, се дом на 300 станари.

Но, како е да се живее во овие светски познати домови?

- Луѓето многу сакаат да живеат тука - вели Боери, кој ги поздрави повратните информации од станарите од отворањето на кулите во 2014 година.

- Апсолутно е неверојатно кога го гледате хоризонтот на Милано низ филтерот на лисјата. Можеби тоа се лисјата на дрвото кое има корени на три ката под вас, така што тоа е навистина уникатно искуство. Милано се сметаше за сив град, индустриски, црно-бел повеќе или помалку во 70-тите и 80-тите години. Така што, сето ова е навистина ново, оваа неверојатна експлозија на растенија - вели Боери.

Во комплексот има 400 стана и деловна зграда од 11 ката.

По завршувањето, дизајнот освои и „Меѓународна награда за 2014 година“ и „Најдобра зграда за 2015 година во светот“.


- Мораме да го умножиме бројот на дрвја насекаде. А причините се многу јасни. Тоа е побрз, поевтин и поинклузивен начин да се обидеме да го намалиме глобалното затоплување - додава тој.

Урбаното пошумување треба да биде достапно за секого

Згради како овие сега се „едни од приоритетите на јавните политики во големите градови“, вели Боери, кој неодамна ја заврши работата на кулата за социјално домување „Трудо-вертикална шума“ во Ајндховен, Холандија.

Овој проект му овозможи на Боери да ја заврши својата цел да ги направи урбаните пошумувања достапни за сите.

Зградата содржи 125 мали станови наменети за домаќинства со ниски примања, опкружени со фасада од над 5.000 грмушки, растенија и дрвја.

- Проекти како овој ѝ овозможуваат на природата да најде простор каде што може да изрази форми на биодиверзитет - додава Боери.

- Дрвјата се многу дарежливи. Тие им помагаат на луѓето да се заштитат од прекумерна сончева светлина. Тие им помагаат на луѓето да дишат подобро бидејќи го чистат воздухот и ја апсорбираат прашината од урбаното загадување. Тие произведуваат кислород и го „јадат“ СО2.