Улицата пред Владата сè уште е блокирана со неколку автобуси на Јавното сообраќајно претпријатие - Скопје, додека другите автобуси утрово функционираат нормално.
Претседателот на синдикатот на ЈСП, Миќо Стојановски, синоќа изјави дека по налог на градоначалничката Данела Арсовска пред Владата останале 15 автобуси.
- Тоа е еден вид притисок врз Владата за што побрзо да го реши тој клинч околу долговите што Владата ги има кон ЈСП за блок-дотациите за превозот на средношколците и студентите во градот Скопје - рече Стојановски.
Од Град Скопје тврдат дека Министерството за образование и наука им должи 120 милиони денари за субвенциите за вршење превоз на студенти и ученици во средно образование.
Извор: МИА