Модниот гигант „Гучи“ продава пар патики кои намерно се направени да изгледаат како валкани по навистина „валкана“ цена.
Машките патики изгледаат како да се од 70-тите години и како да биле користени уште од диско-ерата. Бледожолтеникавите обувки доаѓаат со црвени и зелени или црвени и сини детали, по цена од 870 долари.
Обувките веќе станаа тренд меѓу некои холивудски ѕвезди.
Иако можеби изгледаат смешно, валканите патики и не се некоја нова идеја. Италијанскиот бренд „Голден Гус“ беше критикуван минатата година дека се подбива со сиромаштијата со продажбата на валкани чевли, кои чинеа 530 долари.
И трендот на носење нешто што изгледа старо не е нов. Тука се и искинатите фармерки, кои може да се видат насекаде, од инстаграм-профилот на Бијонсе до локалните бутици во секој
град.
Да се надеваме дека следен тренд нема да бидат чорапите.