Њујорк Сити одобри подигнување споменици во Централ парк на остварени жени.
Тоа вчера го изгласа градската комисија со цел да им се оддаде почит на трите жени – пионери во борбата за човекови права: Сузан Б. Ентони, Елизабет Кејди Стентон и Соџернер Трут.
Во познатиот њујоршки парк моментно се наоѓаат 23 статуи на мажи, кои ја обележале американската историја, но досега немало ниту еден споменик посветен на некоја вистинска жена.
Се очекува спомениците да бидат поставени во август следната година, кога се одбележува 100-годишнина од правата на жените во САД да гласаат.
Извор: МИА