На првиот ден по полната месечина во март доаѓа пролетта, а за жителите на Индија тоа значи - Холи.
Денот по полната месечина речиси во секој агол на Индија се слави како еден од најголемите празници на кој му се припишуваат различни значења, но сите се сведуваат на игра, танц и ширење позитивна енергија.
Холи е фестивал на бои - главна карактеристика на празникот е прскањето со вода и светли бои.
Празникот се празнувал уште пред Христос, а порано се нарекувал Холика. Името го добил по богот Кришна, реинкарнација на богот Вишну. Според легендата, Кришна на шега ги полевал селските девојчиња со вода и бои и оттаму потекнува обичајот на кој сите му се радуваат.
Што претставува Холи?
Победата на доброто над злото - подразбира палење и уништување на демонот по име Холика. Се верува дека Холика е сестра на злобниот крал Хирањакшипу. Затоа, во пресрет на самиот празник, на улиците се пали голем оган, со портрет на Холика во средината, за кој мажите со денови подготвуваа дрва. Ова се нарекува и „Малата Холи“.
Празник на мажените жени кој повикува на среќен брак и семејна благосостојба.
Фестивал на љубовта - затоа што го прославува семејството и затоа што порано се договарале бракови на овој празник. Семејствата го поминуваат овој ден заедно, со храна, пијалаци, бои, музика и танцување.
Најголемите настани за време на празниците се одржуваат во градовите Матура и Вриндава во индиската држава Утар Прадеш, бидејќи се верува дека Кришна е роден и израснат во овој регион.