Основачот на „Мајкрософт“, Бил Гејтс, на настан на фирмата „Вилиџ глобал“, каде што присуствуваше како гостин, откри дека најголемата грешка што некогаш ја направил е кога дозволил „Гугл“ прв да ја отпочне приказната „Андроид“.
- Во светот на софтверот, особено кога станува збор за платформи, тоа е пазар на кој победникот зема сѐ. Значи, најголемата грешка направена некогаш ми беше лошото управување што доведе до тоа денес „Мајкрософт“ да не е она што е „Андроид“ - истакна Гејтс.
Тој додава и дека е природно и очекувано „Мајкрософт“ да бил победникот.
- Има место само за еден оперативен систем кој не е на „Епл“ и колку тоа чини? 400 милијарди за да заврши со М (Мајкрософт) наместо со Г (Гугл) - истакна Гејтс.
„Гугл“ го купи „Андроид инк“ за 50 милиони долари, а во 2007 година најави нов мобилен концепт што ќе овозможи пристап до интернет за поголем број луѓе.
Извор: МИА