„Најкул работата во светот“ вклучува патување низ светот и престој во скапи хотели, а оваа „мака“ се компензира со месечна плата од 3.770 евра.
Ова го нуди Метју Лепре, 26-годишен милионер од Австралија кој се занимава со е-трговија. Тој бара личен асистент или асистентка која ќе го следи на неговите бизнис-патувања во Јапонија, Дубаи и на Хаваите. Задолженијата на идниот вработен ќе бидат координирање на неговиот густ распоред.
- Платата е базирана на искуството на личноста, но главнината е во прилог на трошоците за патување и сместување - вели Метју.
На младиот бизнисмен не му е проблем да му дава висока плата на личниот асистент бидејќи со неговиот онлајн-бизнис заработува 120.000 долари месечно. Тој се откажал од факултетот на 23 години, а оттогаш посветено учи и го гради своето царство.
Исто ниво на посветеност бара и од својот асистент, кој ќе мора често да излегува од својата удобна зона. Освен внимателен, новиот вработен ќе мора да биде и духовит и спонтан.
- Сакам некој што ќе ми се придружи во моите авантури. Го сакам она што го работам, но кога си на врвот, тогаш навистина имаш работа. Барам сигурна личност што ќе ми помогне во моите дневни активности - вели тој.
Освен тоа, Метју од идниот вработен очекува да биде информатички писмен, добро да владее со социјалните мрежи, да биде организиран и амбициозен.
Тој наведе и листа со услови, а сите заинтересирани ги повика да го следат неговиот
јутјуб-канал каде што го документира неговиот живот, па апликантите сами ќе можат да проценат дали работата е за нив. Доколку сакате да се пријавите, тоа можете да го направите
ТУКА.
Услови
- Способност за мултитаскинг
- Знаење за организација на национални и интернационални патувања
- Одлични компјутерски вештини
- Одлично познавање на социјалните мрежи
- Посветеност кон деталите
- Желба за посветена работа
- Важечки пасош најмалку една година
- Проактивност
- Точност