Во САД, може да бидете платени за да пиете вода или да пробувате производи базирани на марихуана.

Стартап-компанијата „Хидрант“ од Њујорк бара лице што во период од осум недели ќе пие вода. Компанијата произведува суплементи за вкусови за вода и бара „жедно лице“ кое сака да биде во центарот на вниманието.


Лицето ќе треба да пие 8 чаши вода со некој од суплементите на компанијата и да објавува креативни видеа на „Инстаграм“ и „Тик-ток“. Од лицето ќе се бара да објавува најмалку три видеа на социјалните мрежи во период од осум недели, а за тоа ќе добие хонорар од 15.000 долари.

Пријавувањето е едноставно - треба да снимите видео од 15 секунди за компанијата во кое објаснувате зошто сте жедни.


Доколку сакате да разгледате повеќе опции за необични работни ангажмани, компанијата за производство на марихуана „Емџеј“ вработува тројца практиканти кои ќе ги конзумираат и оценат сите производи на компанијата.

Станува збор за тримесечна пракса.

Извор: Insider
Фото: Pixabay