Постои уште едно место што треба да го додадете на вашата листа со места за фотографирање во Норвешка: мостот Верингсфосен.
Неодамна отворениот мост се наоѓа над драматичниот 160-метарски водопад, овозможувајќи им на посетителите да се чувствуваат како да лебдат високо над идиличната долина Мобедален.
Архитектот Карл-Виго Хулмбак работел на овој проект повеќе од една деценија. Целта му била да го спои природното со вештачкото.
Според овие фотографии, се чини дека успеал во тоа. Од некои агли мостот изгледа речиси како џиновски инсект кој преминува над вода.
Тимот на Хулмбак почнал да работи на мостот во 2015 година и морал да побара хеликоптери за да му помогнат во изградбата поради непристапниот терен. Мостот има 99 скалила и е дел од поголем проект што на крајот ќе вклучува и патека и кафе.
Лоциран помеѓу Осло и Берген, се верува дека мостот бил омилено место на норвешкиот композитор Едвард Григ. Мостот се наоѓа и меѓу прекрасна патека на околу 20-минутно возење од Ајдфјорд, село што овозможува одлична база за истражување на норвешките фјордови, водопади и национални паркови.
Извор:
Travelandleisure.com
Фотографии: Instagram