Сите вработени во јавните универзитети добиваат ист износ на партиципација на плата од страна на државата. Разликата е во тоа што скопскиот Универзитет „Св. Кирил и Методиј“ не е интегриран и секоја единица на Универзитетот има сопствени средства што ги распределува по основа на плата, изјави министерот за образование и наука Арбер Адеми по обвинувањата од Независниот академски синдикат дека има огромни разлики во платите на вработените во јавните универзитети.

- Проверете во ДУТ дали има разлика или на Универзитетот „Гоце Делчев“ и Универзитетот на Југоисточна Европа. Земаат иста плата. Разлика во платите има на УКИМ бидејќи не е интегриран универзитет како другите. Тука факултетите имаат и сопствени приходи и во зависност од овие приходи, тие самите одлучуваат да ги распределат по основа на плати - појасни Адеми, одговарајќи на новинарски прашања по потпишувањето на Протоколот за соработка со Соединетите Американски Држави.

Извор: МИА