Шенџен брзо се трансформира во кинеска верзија на Силициумската долина. Градот се менува поради иновациите во технологијата. Како резултат на тоа, насекаде низ градот се појавуваат културни центри кои се спој на старото и новото. Последниот ваков центар ќе биде музејот за природна историја, кој наскоро ќе биде изграден. 

Музејот, дизајниран од „Б+Х аркитектс“, „3ХН“ и „Џубо дизајн“, се наоѓа веднаш до река, а она што го прави интересен е неговиот изглед што го имитира течењето на реката.


Структурата е инспирирана од течењето на водата за да се вклопи во околината. Освен тоа, градбата има цел и да ги задоволи разните потреби на посетителите со пристап до зелени површини. На покривот од музејот ќе има парк од кој посетителите ќе може да уживаат во прекрасен поглед на ридовите, паркот и езерото во близина.


Во музејот ќе бидат изложени експонати за локалната екологија, природната историја и научни истражувања. Посетителите ќе може да научат за локалната екологија преку експонатите и со доживување на природата.


Автор: Саманта Пајрс
Извор: mymodernmet.com