Бамбусовата градина скриена во кампусот на Универзитетот на Торонто е совршено место за оние што бараат мир и тишина, далеку од градската врева.
„Стуткан“ во зградата на центарот „Теренс Донели“, водечкиот институт за истражувања на геном има атриум на повеќе нивоа што е сосема спротивен од бетонската џунгла што обично е карактеристична за големите градови.
Старата внатрешна архитектура на зградата е совршено неутрализирана со модерната доградба и внатрешната
градина. Скалите водат кон бујна шума од тропски грмушки и огромни дрвја од бамбус кои формирале импресивно густа крошна, достигнувајќи висина од 4 метри кон стаклениот таван.
Ќе ја забележите живописната зелена боја од бамбусите веднаш штом влезете во „Теренс Донели“:
Просторот е дизајниран од архитекти од „Торонто алијанс“ и германската компанија „Бехниш архитектен“, кои се погрижиле да искористат комбинација од природна и вештачка светлина за да создадат спокоен амбиент.
Високите дрвја и тропските растенија ги затвораат дрвените палуби, обезбедувајќи мир во просторијата. Осветлениот таван и прозорците овозможуваат многу сончева светлина, така што секогаш е како пролет во просторијата, дури и во најстудените денови.
Високите скали водат до дополнително место за работа и читање за студентите над кое се гледа бамбусот.
Студентите, како и остатокот од јавноста, можат да уживаат во просторот што го одзема здивот. Центарот „Донели“ е отворено од 9 до 17 часот секој ден.
Извор:
Blogto.com
Фото:
University of Toronto/ Donnely Centre